鄉情體驗之旅 day 1 part two - 廣州小學及家庭

 

午飯後, 便行去我們的目的地, 鹽步中心小學, 在鹽步聽說是名校.

在廣州, 是以就近居所入學為主, 政府分了區, 在那區就入讀那所小學, 基本上沒有得選, 但就是9年免費教學. 如果不是入讀居所分配那間, 就要付款, 一次過收6年的收費, 約$1500一年, 入讀時收 $9000.

 

小學的環境都很好, 很大..........

課室, 有樹木, 香港的就沒有了.

我們任意參觀, d 小學生都很靜, 但原來廣州小學的課程都很深的. 中文一定深過香港, 數學2年級已是 (x) 數了......, 唯一英文會淺過香港.........但原來默書是2日1次, 功課每晚有7樣以上, 都是著重操練. 原來中國同香港都是填鴨教育...........是好定不好呢!!

所以我只覺中國人是比較死板, 就是沒有創意..............原來都是由細訓練出來.......我唔敢講香港人叻些, 笨些, 但無可否認, 外國人(我老闆)接觸過香港人, 中國人, 都分別出, 香港人思想是比教靈活, 所謂懂執生, 轉彎.  中國人就是唔諗野, 由細到大都是按本子做..

中國小學到現在都很注重 毛筆文字的.  原來是訓練個人的修養...........

當地都搞了一個歡迎典禮. 這個就是校長了. 小童郡益會在 1997年已每年搞一次雙方交流, 今年都超過10年, 無論香港, 廣州的安排都很完善............很有程序..........

玩完熱身, 就與配對的家庭見面

這個就是分配了的小朋友 叫陸俊言.........都是3年級, 8 歲.......2000 年出生.........

俊言比較害羞, 很少說話. 很少笑, 是中國小朋友問題, 還是平時太多功課呢.    佢父母有車, 車了我們到佢的家裹......., 接待我們的, 基本上, 個個都有車的.

原來有超過100個家庭想參加招待香港家庭, 但最後選了 12個 接待我們, 相信這些家庭都要有很好的條件先可以選中.........

到了俊言的家中, 廣州的地方相信一定大過香港, 我估每層都有1000呎, 似香港的村屋甘, 全幢的. 地下是車房, 一樓是祖父母住,俊言父母有2個兒子, 二樓是大哥住, 三樓是俊言一家.....都是3房2廳甘, 有露台, 天台, 但裝修設備對比香港, 就有小小過時, 簡單了小小.......

俊言父親說, 佢地是買地自己起樓, 10年前就$數百一平方, 現在是 $3000以上 (一平方),  都上升了數倍了.............

交換禮物時間, 估不到,俊言都預備了禮物比衰衰

起初俊言很少講話, 一回家, 竟然入房做功課.........我同衰衰去同佢傾計, 先熟悉了, 衰衰教俊言玩nds, 俊言教衰衰捉祺..........., 廣州講白話, 大家都可以溝通到........

俊言家有ping pong ball 台, 俊言有跟教練學, 打得有板有眼, 衰衰不識, 就亂打........

後來, 與俊言父母, 祖父母一起出外晚餐.  叫了很多菜, 都食唔哂.........唔好意思影相. 本想由我們付款, 點知祖母一早已出外先付款.  真是唔好意思......提議明天早餐出外飲茶, 但因時間太趕, 要在家中食........所以真是唔好意思.  心想回港後, 叫快捷再送份玩具比俊言..........

祖父仲叫衰人飲 燒酒, 有 (33% 酒精), 衰人起初唔敢飲, 但叫了數次, 就嘗試飲, 飲完再比佢, 起碼飲了5次, 我怕衰人頂唔順, 在大陸唔知點算, 孟叫佢唔好飲, 衰人近年連啤酒都少飲了....佢飲少少都紅的.  所以以為佢醉了.........

俊言叔叔個女讓了間房比我們, 點解有蚊帳, 原來那區真是有很多蛟的. 我起初以為冬天沒有蚊, 沒有放蚊帳, 惡夢就開始了.  衰衰全晚做了蚊蚊的任食buffet, 不停咬佢, 共咬了佢15粒.  集中在手, 後來, 佢用手掩了臉, 連 ear 都唔放過...... ear 都咬了 前後5粒, 我發現後, 立即全晚 不能入睡了, 睡唔著了, 每次都很大粒, 腫了一舊.  很怕有登革熱呀, 幾怕衰衰發燒呀........., 睡唔著就孟諗, 死啦, 登革熱有什麼特徵呢, 上次什麼比蚊咬了那個小朋友, 跟著什麼全身無力, 連講野都講唔到, 變了植物人甘.  再想想下, 就撫摸下衰衰腫了個額頭.  你話我點睡得著呀, 一睡, 就聽到有蚊, 就立即掩護衰衰野塊臉...........

我用手掩了衰衰的 ear 啦, 心諗, 你咬大人隻手啦, 不好再咬我個小兒子啦. 就是不咬我同衰人喎, 是一粒都沒有, 衰衰呢, 就隻手同臉都有........很慘呀, 很想快些到天光.  後來, 叫衰人放下個蚊帳, 佢話無蚊叫我唔好煩喎...比佢激c.......叫佢開燈看下衰衰, 額頭已有2 (大大)粒, 我真是怕的.  心想今次大問題. 睡下, 醒下, 衰衰都是全晚沒睡, 因為太 (行), 放了蚊帳, 困了隻蚊在內, 不時仲聽到 蚊的噏噏叫甘.  很恐怖呀.........

迫於無奈要開燈, 真唔好意思要浪費別人的電費........

是今次行程的敗筆.........

俊言家的廳

大合照