Pages - Menu

2009年5月31日 星期日

胡椒粒甘旬細薯番茄三文魚頭湯/鍋

 


見到有三文魚頭, 想煮燒三文魚頭很耐....於是便買了.....回家後, 再想一想, 不如煮三文魚頭湯, 因為我之前買了樽胡椒粒, 如用此煲湯很正KA....我很喜歡飲胡椒咸菜湯, 但遲遲買唔到咸菜, 應該係唔知點煮,HAHA...突然比我諗到可以配三文魚頭...正.......



先煲甘旬, 細薯, 番茄一會, 再將煎了的三文魚頭, 胡椒粒再煲一會就可以了....不需太耐, 因為唔想三文魚頭爛哂.......


結果, 很正啦...我自己很滿意, 有我想要的味道, 連衰衰都話個味道很好, 米就係胡椒味囉.....


仲有, 今次用了日本的男爵薯, 很香薯味呀..........


唯一衰了, 就係我滾了很少湯, 只有3小碗, 衰人嫌小囉.............


仲有, 如果光 OR 焗三文魚, D 珍貴魚油迫了出來, 我個人覺得用水滾了D 油在湯內, 唔會 SIDE 了 那些 OMEGA 3....


 


2009年5月27日 星期三

衰衰 lunch box -- 27/5/2009

2009年 5 月27 日


蟹柳/日本魚蛋/ 本菇/粟米芯/蛋  茄汁炒飯


 



 


衰衰星期四放假, 我都傻傻的, 原來星期五都放假 (自己學校假期), 我都是星期一看通告 remind 先知, 再看唔到, 就麻煩啦......


這是今星期最後一日的上學午餐了........將雪櫃有的食材樣樣一點....都已經很多了.用茄汁/糖/熱水同炒, 但唔知係唔係太少茄汁, 個味很淡, 再加了些茄汁, 先夠味.


唔知點解個色都唔似茶餐廳的西炒飯.........


余下少少, 唔好 SIDE, 做了我的早餐, 第一次早餐食飯....除了在日本....嘻嘻


星期一先發覺原來沒米, 叫衰人幫我買, 話唔見有珍珠米, 買了普通米, 食了數天總覺得珍珠米好些, 要捱完5KG先可以再買番了.....


 



 


 

2009年5月26日 星期二

加營素

 



聽 ywmom 講, 原來加營素有朱古力味, 想買一罐細的比衰衰試下.., .一直都想衰衰飲回奶類, 佢就係話唔鍾意飲奶, 但朱古力奶佢都飲的.  .點知, 問10間葯房, 得1-2間有朱古力味, 但係大罐的.....賣 $133, 嘩, manning 賣 $158 定 $168 呀...搶錢....


但衰衰沒有飲過, 唔敢買大的...怕佢唔飲就 side 錢....


比我在 manning 見到有一小罐 250ml 的即飲裝.....很貴呀....$17.8, 但難得有朱古力味, 就買比衰衰, 看佢大少鍾唔鍾意....


今天當早餐飲品比佢飲, 隻衰衰見衰人有蘋果汁, 話要一樣, 我話開了唔可以唔飲, 大佬, $18 一小罐  ka........, 佢都話ok.........嘻嘻.........


明天可以再問葯房買罐大的了... 衰衰, 真係可以肥些就好啦.........前2天, 看報紙, 原來魚油都可以增肥的.....我都績極叫衰衰食smart fish 先得啦..........


 

同衰衰 shopping @ north point jusco

今天早些放工, 見有時間, 就同衰衰去了 north point 的 jusco $10 店....因為那兒有個小小kids zone....有個衰衰鍾意的超人機, 以前應允了同佢去玩,  $5@, 玩下, 玩下, 都玩了 $30...., 只是 15 分鍾....跟著, 就煩啦...常常叫我比錢....原來, 佢係想食新的棉花糖, 我在甜心媽個blog 見過d 相...., 衰衰野話想開要比錢, 怕了佢, 就叫佢去比了錢, 貼了膠紙, 在店內開了, 真係似無印果隻, 不過, 衰衰話無印好味些, 佢一晚內食哂4個......




衰衰買的野.....$10店有時佢都選到小玩具的....主要係要自己組裝的.....木玩具, 買完話要立刻玩, 比佢激c



north point 那間比較多零食......, 買到做上湯的鏗魚粉, 方便些...



今次去主要想買細細個的鍚紙盒, fit 哂 衰衰台灣果個餐盒...我只在此間見過, 去另一間都沒有....仲發現了數個以前沒見過的膠盒..



這個有蓋, 方便放水果..



終於見到人人話好用的洗劑 -  sponge 專用, 都係間間都無....此間有很多 同馬油cream 都有很多, 可能剛有貨. 



見到這個 冰袋會fit 衰衰個火車餐盒, 果然 ok.....唔怕佢會散了...



買完野去食野....做衰衰真好....



 

衰衰 LUNCH BOX - 26/5/2009

2009年5月26 日


櫻花味 粉紅 蛋絲 三文魚 飯堡改良版   / 粟米芯


配  蟹柳蛋圈  /  帆立貝 /  日本魚蛋片/ 8 爪魚蛋



 


用了上次日本買的櫻花飯素, 我以為是粉紅砂糖....試了味先做飯團比衰衰, 如我所料真係甜的....同時有少少酸味....似話 (妹) 咁....個色真係很美, 媽媽超鍾意, 不過, 衰衰男孩就唔知啦........上次係 CITYSUPER 有 要$15...在日本就 YEN100, = $8...



做飯團便當, 有時會發覺個盒子太細, 放了飯團後就只余下很小位置, 剛在 $10 店見到這個扁身的盒, 2個一套....仲有粒粒在底, 話防止d 飯黏著個盒喎....很好, 一個放飯團, 一個放小食....



衰衰喜歡不同種類的食物, 但每種1-2塊....所以我d盒唔足夠位啦...., 這套盒真係很fit 衰衰的要求...., 我很喜歡今天這個飯堡, 嘻嘻, 真係很美... 很match d 三文魚的橙色, 黃色同粉紅色...


之前做 飯堡, 2塊飯, 中間一塊肉, 衰衰話太多, 只食到一塊飯, 甘就只做一塊飯的飯堡囉...


現在看, d 食物多了少少, 唔知衰衰食唔食得哂..


見櫻花飯素係甜的, 今次沒有放糖同醋了....



用個企鵝圍著, 不怕散...



個飯堡靈感自上次去食 "一壽司"  的 壽司的改良版... 


2009年5月25日 星期一

SOGO 血拼記 PART 1

記得上次 SOGO THANKFUL WEEK , HSBC 都有10% REBATE, 今次都是, 可能專登的....星期五晚, 同衰衰去看下...


衰衰今次就沒有收穫, 本叫佢選定生日禮物, 點知佢話要 PSP, 衰人今次反而唔讚成, 我話, 依D貴野, 超出我的預算, 叫佢要問下婆婆, 兒媽, 舅父, SHARE 下個COST 先得..., 上次部 NDS 都係甘...


而我呢, 就一早去買 上次SALES買了很好, 想再買的 日本 HARIO 玻璃瓶..佢的玻璃超輕, 仲要係 MADE IN JAPAN, 我先係比佢的 HELLO KITTY 系統吸引, 買了用過, 連衰人都話OK, .本只想買一套3個的玻璃盒, $125, 見有想買很耐的 HELLO KITTY 玻璃瓶 $188, 買一送一, 忍唔到買了...見有個新出的茶隔玻璃瓶 $79, 同上次一樣, 買野有特價 $29 的玻璃瓶, 買定2個先...,看番自己上次的BLOG, 原來每樣都竟然加價了$10, 仲話經濟差..... 



買了個康寧膠蓋, FIT 哂之前買的碗, $20..... 



見到個很得意的鴨子 WOK, $63.....係煎下 PANCAKE, HAM 咁, 都係買來玩下.



當然唔少得去 HELLO KITTY 買我的 T-SHIRT, 3折, 每件約 $75



終於買了個 SOFT LEATHER BAG, $498....之前都想買, 今次終於買了........., 奇怪這牌子不出名, 至少我唔識啦, 但D 袋都唔平, 個 COUNTER 就多人到嘔.........



PART 2 --係今個星期五再去過, 因為 HSBC 個 QUOTA 係每日最多買 $1000內先有REBATE....都已經用埋衰人張咭了............


仲沒有去超市掃貨呀......


 


 

衰衰 LUNCH BOX - 25/5/2009

2009年5月24日


茄汁雞粒配粟米芯


 


星期日都是懶D, 叫衰人去超市買了醃好的雞脾肉同粟米芯就算了, 本想做雞肉串燒. 但見雪櫃個茄汁磚, 便改了餐單....


用青粉做了個車形圖案, 但可能D 粉多了, 唔似TIM, 下次要再做多數次.....



為防有汁會流出, 再用錫紙蓋好, 保溫些...



 


P.S:  忘記比 JELLY 衰衰 TIM, 衰衰現在想食 JELLY 就話佢自己正(玩), 當然有我依個亞四在旁做清潔啦.....HAHA..........

2009年5月24日 星期日

環保冰粒@ LOG ON

上星期去APM , 本想幫衰衰在三聯買漫畫, 點知三聯 關了變了LOG ON, 都入去行下啦...都比我買到想買很耐, 間間家品店都沒有的環保冰粒.....可以放在便當盒內, 保冷些...., 係台灣的...


$40 @ LOG ON


2009年5月23日 星期六

超級血拼 @永安

這星期實在太多 SALES 啦.....每間都很多人呢....


衰人同衰衰去買 WIL GAMES, 我話不如車我去永安比我 SHOPPING, 就係甘, 我就在永安溜留了 2小時, 但都仲想買, 但心思思要考慮下, 因為大件同貴野, 在SOGO 買可以有 最少 5% 拆扣 (SOGO CARD) , 星期五 (HSBC)仲有 10% REBATE,  個衰人叫我去看醫生喎, 話我有買野心魔喎........


真好, 唔駛心掛掛個衰衰, 我一去已上去廚具部啦,  8下, 看下, 都1小時, 仲想去玩具部看 LEGO 啦,  小朋友物品啦, 男士部幫衰人買HOM啦,  看超市啦.....結果都係唔足夠時間.....


家品有 7折, 竟然比我見到有 CUT 蘋果器. 想買很耐, 但見到的都很貴, 過 $100 元, 今次 $55, 仲有 7 折, 折後 $38.00, 這價錢就可以買來玩下...., 真係可有可無的



衰衰很鍾意這件毛巾衣, 穿過頭, 比佢去SWIM 完用就最好 $50....回來後, 心想早知買多1件



BOY'S UNDERWEAR $12@



嘩, LEGO 有8折, SOGO 話有9折, 但全部貼特價, = 無折, 因為特價係沒有9折的...買多數盒比佢暑假玩... 這款有教一些 MOTOR 原理, 衰人都話好...大的 $183, 細的$95



買下, 買下, 過了 $500, 有$50送....., 過了 $800, 抽中了 $10 COUPON, 在超市用了....., 超市多人都似免費甘, 都是買了數樣就走啦...., 因為一定要買台灣的肉鬆, 全家都超鍾意...甘就買了過 $1000元, 仲要有野沒買, 問衰人就話無用云云.........再我講2講, 就話買囉, 你用.........., 佢講完= 無講.......


本想星期日再去, 但黃雨都唔知去唔去好, 因為想買 UJI 有張 HELLO KITTY 珍珠 QUIT, 超軟同很美, 全粉紅色, 心想去SOGO 買, 但回來看特價LIST 話這價錢定這款得永安先有....心思思中........ 


仲想買個什麼鈦金屬WOK...., 德國寶個煲湯鍋....., 其實都可有可無......女人就係甘...HAHA

2009年5月22日 星期五

衰衰 lunch box -- 22/5/2009

 


2009年5月22日


紫菜肉鬆圈/  腸子圈  / 蟹柳圈


配  漢堡扒 /  星星薯餅 / 恐龍麥樂雞塊 / 磨菇



上次入沙田-在西田買了這種日式的hamburger, 衰衰話好味喎, 今天再比佢食..., 我焗時聞到洋忽味, 怕佢唔鍾意, 幸好, 衰衰野唔覺有onion.


今天做下包類, 衰衰這個飯桶本來話要食飯, 我話你食下包都可以ka...唔一定要食飯ka..佢就話ok....晚上已試食過, 話ok 喎.....做了6個= 3塊包都食哂...


本只做腸子圈的...但想想下, 有蟹柳, 肉鬆就用了做唔同味道的包包....都唔錯呀....用了上次在日本的火車盒, 真係很似上次日本的便當, 都係將包包做成圈子的...


一直都沒有比衰衰用火車盒, 因個火車盒只適合放包類, 飯類就唔保溫到, 用冰袋唔知保唔保到冷. 有時真係得美觀唔多實用...今天衰衰肯食包先用到...



材料太多, 有些唔夠位放, 不過, 煮了都放入去, 唔好side 啦...., 諗住樣樣1-2個, 可以食得多元化d....


今次用排包, 衰衰話似蛋圈, 都係黃色......衰衰野唔鍾意牛油, 今次搽多了比佢發覺, 下次要搽小d....一塊可做2件, 剛好....


後記:  衰衰話有咁多款食物, 幾好喎, 食依d包都ok., 最鍾意肉鬆包, ...但唔可以日日食包喎....傻瓜, 都唔會日日比包你食啦.



用上次$10 店買的 圍繞著, 剛好, 唔怕個蓋唔實...., 但個火車盒太高, 有點緊呢...



 


2009年5月21日 星期四

衰衰 lunch box -- 21/5/2009

2009年5月21 日


西蘭 (花粒) 菜飯 配 


甘旬/細薯/ 咖哩魚塊




由星期一想煮咖哩飯忘記到星期三, 星期四終於記得...之前一晚蒸了甘旬同細薯先...怕早上唔足夠時間....魚塊就只焗熟....


早上遲了10分鍾起身, 幸好買了蛋糕, 唔駛煮早餐都挽強足夠時間.


後記: 衰衰話唔足夠汁, 但上次多汁就流了出來, 不過, 咖哩很難洗, 下次都係用錫紙盒, 方便些....



每天都會預備一盒果汁比衰衰, 為怕無益, 因為日日飲, 其實都係自欺欺人, 盡量都避免買維他, 陽光等牌子.....買 TREE TOP, 去點點綠買果汁甘.


上次JUSCO THAILAND 節, 見有這款橙汁, 無糖, 無防腐, $10 - 4盒, HAHA, 我起初買了4盒, 衰衰超鍾意....就買了 30盒, 足夠6月份的上學日了.....


衰衰現在都變得識保護自己了, 以前佢很蠢KA, 衰人就話純囉...


點解, 有同學想要衰衰的飲品, 以前衰衰試過比了人, 自己無得飲KA...., 係媽媽唔想姐, 係點點綠買的有機橙汁呀, 大少, $9@, 媽媽都唔捨得飲呀!!


今次佢話同學叫衰衰比了佢, 衰衰唔肯, 同學想用普通的維他奶同佢交換 喎....衰衰唔肯, 衰衰話:  自己這款橙汁珍貴些 喎....., 現在可能無得賣TIM...因為上次係THAILAND 節, 個SALES 話賣完會賣 $7@, 衰衰甘都留心聽到...


不是價錢問題, 我開心係佢識為自己了.....我有教佢樣樣諗下後果, 比了人自己無得飲, 唔係話自私, 而你比人的話係要自己有多先得, 估唔到, 交換野佢都識諗  價格的分別....,衰衰野仲話, 如果 果汁先生都會考慮喎, 都係橙汁, 今次維他奶唔同種類喎........笑到你 "O" 嘴


衰衰仲話, d 同學常常叫佢交換食物, 飯盒要交換, 果汁要交換, 零食要交換, 玩具有時都交換,  點解唔鍾意自己果d喎......


我提佢, 零食就請人食, 交換都沒有所謂...飯盒, 果汁就唔好啦....


媽媽心想: ..大少, 唔好side哂我的心機 同 錢 呀....我想全部係食到你的肚子內呀...


 



 



 



 


謝謝甜心媽的介紹, 衰衰一見幅相就話要買,  $8 包都唔係貴, 我剛回家唔想再去街, 衰衰野話自己去買, 當然唔得啦....叫佢等衰人回家時在樓下會合再一起買...買了回來就已食了4塊..... SUPER YUMMY 喎, 佢超喜歡 MANGO 的....


給了2塊佢做甜品, 預一塊給佢的同學, 因為新野小朋友一定想食的..........


2009年5月20日 星期三

衰衰 lunch box -- 20/5/2009

2009年5月20 日


西蘭 (花粒) 菜飯 配 


冬菇 五味子紅早 蒸 雞粒/日本魚蛋片



本想買雞脾肉醃的....見有已醃了的....方便些便買已醃的CUT 一粒粒....香矛味怕辛辣, 幸好, 今早試了一粒, 都OK, 唔辣


只加了少少鼓油, 芝麻油同 胡椒粉, 很入味....仲怕個盒唔可以放太多, 只蒸了1/2塊雞脾, 放完後, 原來仲有很多位...., 之前我都係放飯同送在一邊, 今次有個分隔就易放些同D 飯唔會有汁...幾好


後記: 衰衰鍾意蒸雞肉, 可能今次我 CUT 得細細粒, 佢話很好味....不過, 估唔到雪雞肉蒸都OK, 以前常以為只可新鮮的蒸, 如果唔係會唔好味.......



1/3個蘋果


後記:  以後都係唔比蘋果佢啦...因為浸了 SALT 水都變色, 衰衰唔鍾意..........



這些就係五味子, 係果實一種,   肥媽個節目教蒸雞用, 酸味的...., 但衰衰沒有食過, 都係晚上煮比佢食下先, 費時佢全盒送唔食....很有益, 保身體內部喎...


2009年5月19日 星期二

估唔到(警訊) 會發生在我們身上

早上, 婆婆打電話問我: 舅父有沒有打比我, 我話, 今早沒有喎, 咁婆婆話:  佢叫我入2萬去佢戶口, 話手提沒有電, 叫我打去舅父問一問.


我一聽, 警訊呀, 幸好, 婆婆沒有入錢, 去銀行之前打了比我先..........


我立即打比舅父, 因為怕佢有大件事, or 聯絡唔到佢, 因為警訊講過可能 d 盜賊會知你家人的電話而令你聯絡唔到佢求證.....


舅父話無事後, 立即打比婆婆千叫萬叫佢唔駛入錢........再詳細問下:


原來, 係打去佢手提, 扮係舅父, 一接聽, 已叫 "亞媽", 傻的婆婆以為係舅父, 我聽了都已經話, 舅父點會叫你亞媽呀, 係叫你 媽咪 ma.......婆婆傻都有醒, 問那人點解唔同左d口音, 那人竟話 係 咳/喉嚨唔舒服......笑到你 "o" 嘴, 仲叫婆婆唔好打舅父手提, 因為無電...真係握老人家的技 兩.......


比了個電話婆婆, 話叫佢立即去銀行, 到了打比佢再叫佢點做.........


幸好, 婆婆都覺得唔係太對路.........因為我怕個盜賊再打比婆婆摧佢入錢, 我叫婆婆打999 報警, 可以 釣起佢的電話線......亦證明係假的.....唔好個盜賊再講一講就再信佢....


婆婆真係很搞笑, 很多騙老人家的都比佢無端端遇上, 前幾年的街頭什麼高科技叫佢買了再賣比人賺錢, 那次佢就真係唔信...


再遇過騙老人家的傳銷, 幸好沒有見過祈福派........, 所以我一有什麼騙局, 迷暈派, 第一時間會話佢知, 等佢有個概念.話唔會咁傻喎......幸好, 每次佢都第一時間聯絡我. 有好野就唔會第一時間聯絡我 ka 啦.......第一時間聯絡佢個寶貝 兒子 ma........  haha.....六合彩唔見佢 中..........


 


 

衰衰 lunch box -- 19/5/2009

2009年5月19 日


RICE BURGER 配 魚手指/蟹柳/磨菇串


蘋果/南瓜蓉


本想煮咖哩的...但晚上有少少暈眩, 很早就睡了, 忘記醃雞肉, 所以今早就要改變了個餐單...買了蟹柳要盡快清....


自從做了比較得意的便當比衰衰, 衰衰真係食多了, 本以為男孩不喜歡裝飾, 但可能美麗的係人人都鍾意吧........所以最近都留意多了便當用品....


今天嘗試用 SALT 水浸了蘋果, 比了 1/3 個佢, 想佢食多些水果, 衰衰野常叫我不要比太多食物佢喎, 佢有時唔足夠時間食, 佢話約1/2小時食LUNCH, 之後要離開課室, 要清潔同小息時間...但我話佢食得慢, 每日LUNCH 老師都放卡通, 邊食飯邊看, 想快都難啦...



星期一唔記得比南瓜蓉佢, 今天記得啦.....



早餐:  火腿  三文治


用了個三文治模, 真係剛好



很 CUTE 的, 我就鍾意細細塊的, 易食 D........