衰衰2009年的暑假

自從停課後, 衰衰每天困在家由公公看住的日字終於可以停一停....原來都已過了一個月啦....衰衰野每天都係看video, tv, 玩 games, 很辛苦先叫到佢做下 習作, 看書 每日都係 最多2小時...其余時間要休息喎, 比佢激 c 你.

今年的暑假我就輕鬆些,  幫佢報了全期都係同一間中心活動, 因為以往的暑期活動, 都係左一間幫佢報下, 右一間幫佢報下...早上要安排同佢去, 下午要公公接佢, 很煩....

起初都有些擔心佢辛苦, 因為日日早上 8:30am - 6:00pm, 很似返學甘....話就話有室外活動, 參觀, 報名時就話沒有定實, 要 7 月先知...連每日的行程表都沒有....參觀什麼都唔知, 因為唔知可唔可以申請到喎....

今天有資料啦, 其實真係很豐富, 衰衰聽到都很滿意, 我就安樂啦....如果唔係, 佢投訴就煩啦....

7月13日- 8 月21日 共6星期 -- 30日  $3900 (全包lunch 同 車, 活動收費), 平均$130@

有一個宿營 (2日 1 晚), 真係每2天的下午就出外參觀 -- 金管局, 飛行會, 機場探知館, 太空館, 預防罪行中心, 保護動物會, 益力多廠, 選舉中心, 機電處, 文化博物館, 懲教博物館, 片場, 挪亞方舟公園, 野外定向, 仲有去電影院看電影, 去pizza hut 參觀...

室外的都唔悶喎, 每天都有各種運動, 手工, 連日語都有教下...

每班10人, 有一個由頭跟到尾的哥哥, 衰衰話佢係 f. 6, 再有個社工跟進...

每天哥哥都會寫下當日衰衰的表現:

第一天的comment, 笑c 我, 完全就係衰衰啦....

"很投入, 很易與人相處....做習作都專心, 但有時頑皮, 不聽話" 

我最想親有人教佢, 比d 中文的習作佢做, 親暑期追回中文的程度....

後記:  衰衰很精KA...第一天唔知亞SIR會有COMMENT, 第二天立即扮野, 聽哂話, 表現好些, COMMENT 講已改善了...衰衰仲話第二天唔會再話佢頑皮...

我話當然啦...第一天你唔知亞SIR會有COMMENT仲話你衰野, 第二天你立即唔做衰野變好囉...你想點, 媽媽估到啦.

原來衰衰都在意亞sir話佢的表現, 不過, 就算話佢超頑皮, 我同衰人唔會話佢, 最多笑下佢, 這些都無傷大雅, 暑期去課外活動都有壓力, 點會開心呀....