Pages - Menu

2009年6月24日 星期三

香草蜜糖燒雞

看了食譜, 介紹香草燒雞...很美味咁, 於是就決定自制食下啦. 上次用光波爐, 燒隻大雞都唔差.今次想買隻細雞, 質素會滑些吧..  不想太大隻, 剛巧去開tst, 就去 citysuper 行下, 嘩, 外國的細雞, 很貴呀, 要 $80 一隻, 但真係很細, 比乳鴿大少少, 3人會唔夠食, 2隻太貴, 第一次煮怕side了, 都係買 1/2隻 澳洲有機養殖的雞.. 食完飯先去行 citysuper, 去到快關門, 仲可以有特價tim...



citysuper有很多香草, 我本諗著用的是乾的香茅同rosemary, 見有parsley, 只$3, 就買來試下, 回家看清楚, 一棵棵的, 很似裝飾用的, 但 cut 開碎片, 都很香...要野味, 當然要有onion 啦. 個 onion 超搞笑, 我放了去另一個位, 自已都唔記得, 突然見到仲有個onion, 我估都已一個月了, 都沒有爛, 仲很香....



用牛油, 蒜溶, 黑椒, salt, 香草類(我用了乾香茅, 乾rosemary, 新鮮 parsley) 炒香


原來家裹已沒有 薑, 我估加小小薑汁同青檸汁會更香..



搽在雞上, 幫佢按摩下, 前, 後都搽, 醃一個晚上....至入味........



 



焗前用onion, 甘旬, 細薯在底.....見其他blog 有燒全個 蒜頭, 很美, 都嘗試....因為在底部, 可以吸收雞的肉汁, 雞可以吸收 onion 同甘旬的香味同甜味...同一時間, 有蔬菜食, 這個方法, 係參考 " 大少奶" 的 blog 的. 



再放上雞, 用200度燒 30分鐘



待雞熟後, 搽上少少蜜糖



個樣都ok, 起初我有少少擔心太 salty, 因為我都比了一匙鹽, 但個味都ok



再放埋各類的蔬菜, 衰衰一食就話很好味, 要再食....果d 細薯真係如我所料, 吸收了雞汁, 很香, 很入味...., 而隻雞, 真係包住d 汁, 有肉汁, 唔乾同很滑, 衰人今次都沒有講野, 因為佢已孟食緊...haha.......


下次可以用雞翼焗下....