韓國細餃子 配
日本粟米湯/白飯
小食盒: 朱古力蛋圈/童心麵
今早一起身真係很凍, 都係煮熱飯比衰衰..本來想好蝦仁炒蛋.但係心想用熱湯應該保暖些....就用日本的罐裝粟米湯配小餃子....叫衰衰食時倒在一起....都係第一次比佢倒湯...做親野都倒瀉的衰衰, 望佢小心些, 唔好倒到周圍都係啦..
衰衰都真係覺得三光的保溫杯比保溫壺熱些...都係用番保溫杯...除了高些, 其實同細果個飯壺大致係一樣的...專登買了隻長些的 stainless steel 匙比佢..方便些..
我估係唔係直接將飯/餸放在 stainless steel 的保溫壺內比其他要放在膠盒內的保溫壺較保溫呢....
其實個高身的stainless steel 量杯都放到很多份量的...想買多個已唔見有...有時唔想買就見到, 想買就見唔到..
唔係喎, 我試過係有膠兜個d係熱過三光d壼架!
回覆刪除[版主回覆11/16/2009 11:22:00]真係唔知啦...用家話only.....我都有用膠盒個d呀, 有一個 tiger (3層) 同 牛頭 (2層).., 我兒有時話ok, 有時話差不多..., 你女兒話邊隻最熱呢..我都想知呀...定係用了暖包所以熱些呢..
我個囡話用二層個隻熱過三光, 其實我自己係屋企都有測試架, 係三光無咁熱的! 我無用暖包的!
回覆刪除[版主回覆11/17/2009 13:29:00]其實我就係擔心依樣, 因為我兒常話三光只係暖....但唔知暖的程度去到邊....
韓式餃子~我前兩天也買了一包, 也可以參考你的做法, 做給囡囡做午餐盒都可以。
回覆刪除昨天我也用了兩個三光飯壼給囡囡帶飯, 雖然我送飯到學校, 但我問囡囡一壼裝餸的, 還出煙, 一壼只裝飯的只是暖, 我之前也聽人教, 先用熱水浸一浸三光飯壼, 才裝飯餸, 應該會好D。
[版主回覆11/17/2009 13:30:00]係呀, 我有用熱水呀, 不過, 始終隔了5-6小時.....