Pages - Menu

2009年9月11日 星期五

衰衰 LUNCH BOX - 11/9/2009

2009年9月11日



貝柱咖哩飯團/帆立貝/煙火腿  配


西籣花/多春魚/星星薯餅


生果: 有機士多啤梨


 


今天用了一個長形的飯盒, 有些唔夠位...所以放得唔係太完美 tim....HAHA...., 不過一盒過就方便些.


開了日本的貝柱罐頭食品, 很好味, 用來配飯團OR 炒蛋很配合.....貪得意, 見飯團沒有色, 想起用咖哩粉.......衰衰喜歡咖哩味的....但唔敢用太多, 最後個黃色唔多看到. 我試過味都  OK..少少咖哩味...


衰衰日日話要食飯團, 但唔可以日日食凍的飯團 ma, 只應允佢隔日, 一日食保溫盒的飯, 一日食飯團.., 佢很古板的...只愛食飯, 飯桶一名...唔食麵包, 唔食粉麵粥...



吉吉島的美國有機士多啤梨真係一分錢一分貨, 次次都很紅同甜, 衰衰很喜歡




P.S:  尋晚同衰衰溫中文黙書, 開學2星期就要黙, 唔似佢間校的 STYLE....不過最搞笑係我的普通話係有限公司....衰衰聽唔明...我用廣東話講啦, 佢都係唔明, 因為佢聽慣左普通話的讀音, 看來我愈幫愈煩TIM...., 仲要佢教我講番點講普通話, 都唔知邊個教邊個..


所以語言真係要由細就學先得....


後記: 衰衰話個飯團很難聞....唔好食喎....我估都係咖哩粉的問題, 我早上都覺得加完咖哩粉唔香...但試過唔難食就算啦...點知大少真係唔鍾意...下次可以忘記咖哩飯團了, 因為唔會再出現...

4 則留言:

  1. 今餐又好豐富啊!
    我仔返學day2已經默左Eng unseen dictation。下星期又Eng & Chi dict,真嚇人!....我都吾識普通話。今年開始中文全普通話,我吾知點算!.....要盡快找個普通話老師補習。我好驚!
    [版主回覆09/11/2009 13:51:00]haha, 今餐都真係多左d....煮了就放埋在盒上啦...係啦...普通話真係比佢考起...1星期中, 英都dict真係人都傻啦...唯有.努力啦..你做多些美味食物比甜心仔開心下, 苦中有樂, 香港讀書真辛苦

    回覆刪除
  2. 又靚又豐富,食完一定好滿足!
    [版主回覆09/11/2009 15:54:00]謝謝

    回覆刪除
  3. 一個盒放哂好方便,你個盒都幾大喎...
    [版主回覆09/11/2009 15:56:00]長形都算大了...在 JUSCO $10買的...

    回覆刪除
  4. 每一日既lunch box材料都好豐富
    我d普通話都好普通, 所以我唔會講架, 亞囡會笑我架

    回覆刪除