蝦米瑤柱蘿蔔糕

衰衰很喜歡食蘿蔔糕, 常常去許留山同我搶食, 一人一塊連我果塊都食埋..見上次係SOGO買了日本大根, 就做蘿蔔糕啦.

其實很簡單, 因為我沒有用臘味類, 只係清清的用了蝦米和瑤柱, 反而很清甜...

這個唔係食譜, 我記低方便下次自己看...

材料: 約650G的大根, 衰衰幫我咆絲, 佢當玩, 咆完話很倦喎...., 蝦米, 瑤柱, 沾米粉100G, 英粟粉 50G, 鹽, 雞粉, 糖, 胡椒粉少許, 我忘記買蔥, 有蔥會香些.

 先炒香蝦米, 瑤柱, 再用蝦米水煮大根至透明, 加鹽, 糖, 雞粉, 胡椒粉, 再放埋沾米粉, 英粟粉撈埋,

蒸45分鐘

今次用蒸爐真係超方便, 唔駛擔心看火, 不過, 都要不時加水..

我用了黑椒醬再炒香, 衰衰再同我搶食呀..

全底做了我們3人的早餐.....