認識這個蒸爐, 係會所的廚房, 已經2年啦..但係第一時間已比衰人reject, 因為之前的廚房無位擺, 直至, 搬屋後的新廚房, 我第一時間就係預留位放蒸爐, 因為 miele 小姐身價太貴, 選了相同function, 身價便宜些的德國寶
原來, 真係一份錢, 一份貨
德國寶 唔係唔好, 總比明火方便
奈何佢的蒸氣輸出, 係噴出來的, 所以每次蒸完, 底部都有很多水, 不及時倒及弄乾, 還會全個桌面都係水, 另外, 就係佢噴出來的都係熱的蒸氣, 所以一路蒸時, 全個廚房都係一樣咁熱..數數原因下, 我愈來愈唔鍾意佢..
開始慢慢看清 miele 身價之迷, 就係看佢與德國寶有什麼不同之處, 謝謝比妮比了很寶貴的意見..
miele小姐 不單身價高, 還很高傲, 問了citysuper, 代理, 每次問都說總代理係控制價錢的, 一毫都唔會比零售商減
這令我死心了, 決定去sogo 敗一部, 因為 sogo 卡都可以有 95折, 另外, 要快些買的原因係出了新款貴 $2000, 如果賣哂old model, 就要買新款仲貴, 都係快快買左佢了左心事
至於部只用了 6個月的德國寶就過檔比沒有要求的婆婆
SALES 姐姐很詳細的介紹示範, 令我放心買了
因為看見佢蒸10分鐘, 底部真係唔係太多水
吹出來的係凍的蒸氣, 唔係熱的
再看看下, 下個target 係洗碗碟機
經 sales 姐姐的介紹, 都真係很方便
很fit 我依d 懶人, 衰人一聽到我想買
沒有reject, 很快同意tim,
haha, 因為很多時都係佢洗
有左佢, 衰人可以唔駛做
點會 reject 呀
要衰人再諗諗出水入水的位置
期待
恭喜你接左miele仔返屋企呀 ，你記得每次蒸完(我當你之前蒸左幾個round啦)，蒸完最後一次個日唔再用個時，用乾布抺乾晒爐入面Ｄ蒸氣，拎個水壼出黎倒晒Ｄ水"浪"乾佢，然後開左小小度門，咁個爐會吹Ｄ凍風出黎吹返乾自己。之後完全唔洗點清潔佢架，even我蒸完大閘蟹咁大陣味都有留底D味係個爐度... 你快D用多D,post D新煮意出黎大家share下啦~
回覆刪除[版主回覆11/22/2010 22:11:00]超級謝謝你的心得, 你唔講我都唔知要開門吹乾佢...終於決定買都很開心, 不過都考慮左很耐...始終唔係平....今次真係流血不止啦...
恭喜晒, 又有新玩具玩啦! 咁妳新年記得蒸多幾底糕呀!
回覆刪除[版主回覆11/22/2010 22:13:00]謝謝你呀...係呀, 蒸爐蒸糕真係一流..
真係令人羨慕
回覆刪除[版主回覆11/22/2010 22:14:00]唔駛羨慕啦..你都考慮下啦.....很方便..., 我都考慮左很耐先買...,
我真係響穩日黎你度逐樣睇
回覆刪除[版主回覆11/25/2010 10:14:00]haha, 無任歡迎
miele仔得一個缺點,就係貴...其他都好完全,不過你用過後唔會後悔,佢真係值呢個價錢~
回覆刪除[版主回覆11/25/2010 10:15:00]真的......咁我就安心啦...等佢下星期送貨
你好，我只是路過的。Miele蒸爐都係我下一個Target,多謝你的比較及分享。而關於洗碗碟机，我就100%舉腳贊成。我巳經用了這個牌子，這個size的洗碗碟机差不多8年，touch wood，未壞過，未整過，洗任何嘢，尤其係膠盒，每當洗完，熱烘烘拿出來的時候，你會很開心的，因為真係新的一樣。而我當年買的時候，亦做過 research，洗一機，電加水大約用$1.3，比起用手洗的水費還要便宜。而洗碗碟机粉你可以到上環永安對面，即桃源樓下的 "Gateway"買，這裏全部貨品由美國直接入口，所以會大件及便宜，類似 "Cosco"。你可以參考吓啦 ! :)
回覆刪除[版主回覆11/25/2010 10:17:00]謝謝你詳細的意見, 有時真係要用過先知o唔ok....洗碗機係香港唔係太common, 你講完我都放心些...不過要考慮水位的問題...我問左ecox 最平 $4180...你買幾錢呀..
我八年前買，大約三千五蚊，我唸model都轉咗兩次喇！你可以比較吓！
回覆刪除[版主回覆11/26/2010 10:23:00]thanks so much
洗碗碟機都係我下一個target,不過香港很少人用，用後資料唔多，仲做緊資料搜集。
回覆刪除[版主回覆11/26/2010 10:24:00]樓下soso都有講用後common, 你可以看下...我都有 80%買, 用完話你知..
我都有見到so so講, thx！ 另外我見有人話最好有獨立乾碗功能，入面會冇咁易有味, 但我想問你知唔知係咪一定要好似洗衣機咁駁水喉的呢？如果係咁對我來說都幾大工程.... by the way, 等你！
回覆刪除[版主回覆11/28/2010 15:46:00]係呀, 西門子有個乾碗功能, 不過都真係幾大工程, 要去問下先..
因為要結婚了, 所以 希望買部机, 日日出好煮意俾老婆仔. 上星期日, 睇完 blog, 做完research, 去左 sogo 睇机, 个sales d 講解好清楚, 部机 都好易用. 佢話 舊 model 平$1000, 仲話用citybank 就可以有 $300 x2 sogo coupon. Anyway, 最尾都係去左 風宒 買, 因為 用会窿 有15x日日嘗 同埋送好多屈神 洗潔用品. 佢仲叫我地買extend warranty, $1000头 多两年, 而家 搵緊 食譜.....下次再share 下.....
回覆刪除你好，我正爭扎緊買miele定德國寶蒸櫃啊，你兩款都用過，miele真係值嗎？
回覆刪除[花師奶回覆05/02/2012 01:07:12]Thx! 我估我都係會買，不過而家已經升到$12000 了
[版主回覆04/30/2012 10:07:14]我覺得你買 miele 啦, 德國實的是嘖蒸氣, 令全個爐很多水, 用一次清一次很煩, 仲有佢載水得很小, 20分鐘就要 refill, 燉野就要 refill 很多次了, 如果唔係我都唔會只用了 6個月就轉 miele 啦,