2009年5月1 日宴客後記

很開心, 終於完成了......comment 仲很好, 因為我沒有工人幫手, 所以個個都話我可以做/諗到甘多款式的食物, 很勁喎.....共19人tim 呀, 比原定的多了一人,  個個都話沒有食過我set 的食物, 很特別喎........嘻嘻.........真係清哂全部食物, 沒有余下, 但係足夠的.....我最怕係唔足夠就真係唔好意思啦...., 最後沒有炒飯tim.....都飽了.........下次反而在小食多d, 飯類就真係唔駛太多

間屋的comment仲好, 周圍很美, 個廳很大, 很舒服,  小朋友見到似入了兒童王國, 大人話很 warm, 入屋就知係 happy family 喎..........., 不過, 係租姐....要储錢買左向海那邊先得.

仲有多得個光波爐, d 野食先可以出得甘快, 個個以為光波爐很神奇, 其實都係焗爐的原理..

我 set 左個menu, 因為就係相信有些不是大路野, 怕客人唔知係什麼, 打定個menu比人看, 個個食下食下, 話似去了食私房菜, 搞笑  加  講笑, 不過, 客人讚d 食物, 我已經很開心了......., 個個都話以為我唔識煮野.......我都想做大少奶, 不過唔係ma......就要識煮野囉, 唔係我怕個衰衰食到營養不良呀.....

今次大致用了 hk$700......買食物/飲品.........照計人數都係 $37@..., 我自己都唔信...買了甘少錢..以為已過 $1000 tim...叫外賣到會一定唔止此數..同埋, 我已經大部份在 jusco 買, 菜類先在街市買......嘻嘻, 自制食物請客都可以慳到錢...

衰衰有樣學樣, 畫了個WELCOM, 話歡迎人喎!, 叫我看下, 一看, 小朋友, 點解沒有個SILENT "E" KA........

改良版.

最受歡迎的是:

第一是香草薯角, 我都買了6個大薯, 都唔夠食, 有些唔好意思..最好笑係街市個人問我係唔係要買定一星期的食物....., 話我知, d 食物唔放得耐.

第二是  --  自制沙爹醬串燒....個個都話很入味....問我點醃...其實我醃親野都沒有特定的份量.....每種汁料放些少甘.....其他人唔信, 話有沒有甘易.....不過, 有些識煮野的就知, 就係甘易囉....嘻嘻.....

買了6大塊雞肶肉, 沒有數過, 應該都有30串, 先hk$40.00, 底呀.......

 

第三係:    柚子蘋果沙拉, 同柚子大菜糕....,

個柚子沙拉, 我有d 野錯了....弄至青瓜林了...因為我快快手的用salt 醃了出水, 記錯做酸瓜的方法......

柚子蜜加醋, 出來的效果, 同蘋果很配合, 個個都停唔到口, 沒有食過甘話, 孟問我點mix 個份量, 其實我都是估估下, 因為個份量個個唔同, 我都沒有跟足食譜...

柚子蜜大菜糕.....出來個個嘩嘩叫, 很美喎.....食了就話很清甜, 讚不絕口, 我估有些誇張, 個個菜都話好食, 我自己知自己的廚藝, 不是高手, 不過, 個樣出來美觀真係已收了大部份的讚賞......印象已很好掛...

d 小朋友就食 shusi, 衰衰教小朋友邊玩邊食, 都清哂...........

 

 

其他食物:

炒什菇, 個顏色很美. 上次煮D 菇出了很多水, 今次先過熱水, 再炒就PERFECT 了. 只有SALT AND PEPPER 已經很正............

蝦仁粉絲

上湯浸莧菜, 唔記得影, 這個係余下的....