衰衰日誌: 2010

2010年12月20日星期一

KENWOOD 焗爐

一直都想買過有內置FAN 的焗爐, 我個光波爐係方便, 但係個爐溫應該唔對, 我焗親蛋糕, 包包都矢敗..

上次看中 DELONGLI 永安特價 20L 都要 $948.00

KENWOOD 有個 25L 白色, 高身就 $748.00

其實我係要就位的, 要買個細的焗爐 20L, 不可以太大....

上次ANGELDREAM 話豐澤有特價, 謝謝你話我知

這個外形係 STAINLESS STEEL,

MATCH 番個MIELE 小姐, 仲要係 $798, 28L

唔係高身

可以分開上, 下火

有內置 FAN

FIT 哂我的要求

立即買埋佢.....

HSBC 仲有 9%, $726.00

買埋佢, 廚房想買的功具都買哂了.......

2010年12月17日星期五

衰衰 lunch box -- 12/2010

看番d 相, 原來12月只做了數日餐盒,

要返全日學的日子都唔係多

蝦仁炒蛋配白飯

肉鬆飯團

小番茄/strawberry

玉子/煙鴨片

*********************

無特別用心做

很求其的餐盒

2011 先會再有衰衰餐盒了......

一品鍋

尋晚很凍呀, 很想打邊爐, 衰衰唔肯出街...自己買食物在家打呢, 去到樓下間百佳, 已經清哂火鍋料, 唯有是是但但拾些食物一煲過.......

超方便, 快..

用有機雞湯就濃味些.....

2010年12月15日星期三

表哥到訪

2個表哥係澳洲放暑假回來, 其實都食過數次飯, 不過, 衰衰話想約佢回家玩, , 很難約, 佢2個很多節目, 結果約了平時, 很趕下, 都煮了2.5-3小時...

我就預備左8餸1湯, 公公, 婆婆, 舅父, 2個表哥, 我們一家3口, 共 8人, 因為2個青少年真係食量很大, 份量我都預左很多, 都清哂...仲要係我煮完都係食了很小, 其實係已經比佢2個掃哂,.....真係食量勁呀...最後連飯都無余下..., 衰衰唔習慣要搶食, 投訴樣樣都食得很小..

湯: 花膠螺頭圓肉瑤柱湯

婆婆買了花膠比我, 我就嘗試下煲花膠湯, 很足料,

我用了 6個中螺頭, 10個花膠, 12粒瑤柱, 豬骨, 杞子

唔知係唔係我用了蜜早, 圓肉,

最後偏甜

花膠都很受歡迎, 掃哂

主菜:

韓國牛勒骨

泰式豬頸肉

臘腸雞圈

我用左這個一起蒸, 很易定形

海鮮:

清蒸青斑

很大條, 蒸左15分鐘

豉椒三色椒炒聖子

這個最差, 我估我要先將聖子煮熟先, 因為出了很多水, 變左很淡味

香草虎蝦

蔬菜:

蒸有機菜芯苗

用 miele 小姐, 5分鐘攪掂...都很青綠

上湯蛙蛙菜

生果盤

見有日本 strawberry上市, 很甜..正.....

2010年12月11日星期六

第一次 BLOG GATHERING

今次真係很開心, 常常見很多BLOG 友大家出來見面, 很羨慕, 因為大家都有相同興趣, 我估出來傾計一定很啱傾......, 因為你們大部份係BLOG 係沒有相的, 見到你們真人很得意..

去餐廳時有點很興奮的心情, 因為全部人都唔識, ..不過, 介紹完後, 很快都傾得很開心, 很愉快的晚上..

今次係 CHRISTMAS PARTY , 有數位係有在BLOG上傾計的, 有數位就沒有傾過, 很高興認識你們...

真係第一次食全隻火雞,

第一次交換禮物...我做果D蛋糕/麵包唔見得人, 何妨送比位位都係高手, 真係唔敢做..都係買禮物比較好, HAHA...望你們唔介意和鐘意啦...

謝謝你呀, A 小姐比個機會我認識你們, 你果然名不虛傳, 你真係很有大家姐FEEL...唔怪之得係搞手/主持人啦...仲樣樣都識..很叻呀...

謝謝你呀, S MAMA, 你真係我想像中的賢妻良母FEEL, 唔怪得廚藝咁叻, 要向你多多學習..

J小姐, 我抽到你果份禮物, 你竟然抽到我果份...HAHA... , 仲要大家都係玻璃, 超搞笑

C小姐你很甜美呀..謝謝你的手信

AH C 小姐, 坐你隔離, 你很斯文, 很NICE...

仲有很NICE的歡樂小姐...

因為係另一邊, 其他BLOG友, 沒有同你們傾計TIM...很高興認識你們，　很高興見到你--煲后，　Ｍ小姐--你真係勁呀, 隻火雞咁重, 辛苦哂你了..，Ｎ小姐，ＣＣ小姐。。仲有Ｃ小姐。。你的蛋糕很美味，個名很長。。。唔記得左ＴＩＭ。。。ＨＡＨＡ。。

年年都同兒子去聖誕PARTY, 同佢一起拆禮物...

原來, 自已收禮物, 拆禮物都很開心,

期待下次同你們再玩過............

2010年12月6日星期一

衰衰去 camp

每年衰衰小學都會去 camp 的, 現在衰衰去 camp 我都慣哂啦..回想第一次真係超級超級擔心...由 k.3 自己跟ymca 去旅行, 怕佢著住外套太熱唔識自己除下..再怕佢唔著外套去到郊區凍, 佢唔識自己著外套. 到第一次要去overnight 的宿營..等極都等唔到佢電話..聽到佢把聲真係中左六合彩都無咁開心...

之後暑假啦, 學校啦..每年都去2-3次camp...次次衰衰都記得打電話給我的...

今次的camp 真係很特別..個老師唔比小朋友用手提, 講明唔比打電話回家..大佬, 今次去1星期, 唔係去2日, 5日都無消息, 掛c 我咩! 今早衰衰出門時, 我已很無mood 啦..., 佢當然很興奮啦..

相信這5日真係超級難捱...........

仲要衰衰上星期有少少喉嚨痛, 食左消炎止痛藥都話仲有少少, 唔放心比止痛藥佢去 camp 食.., 想再去看醫生取特效藥, 個醫生星期六放假....真係無奈......, 唯有買左喉糖, 叫衰衰唔舒服就食喉糖...

個衰人真係無好野幫到手ka...明明已拾好哂衰衰的日用品..做就唔係佢, 得把口, 無啦啦幫衰衰換左個喼, 唉, 咁就拾少左野過新喼, 上次衰衰唔知, 條濕毛巾弄濕哂其他衣服, 今次我千萬叫佢隔開條毛巾, 專登比左數個膠袋佢..個衰人無比到衰衰......真係比個衰人激c 你........無啦啦搞個喼......, 無膠袋衰衰都唔知點搞洗完面的濕毛巾...

仲有就係今次冬天去 camp, 天文台話明天變凍, 仲要擔心多一樣...雖然已拾了外套比衰衰, 佢夠唔夠, 著唔著, 就真係唔知.....

一連串不合意的擔心.......

我已經叫左衰衰問老師係唔係真係唔比打電話, 佢話問下喎...個衰衰仲叫我忘記生左佢喎, 當佢消失一星期喎........比佢激c.......看來佢都唔會掛住我ka 啦.......

超超超超超難捱的一星期...........

之前衰衰去camp 我就free 啦, , 放工後想做什麼, 去買什麼都得.., 心情超好, 9-10時就收到佢電話...聽下佢這日的活動...很開心的聲, 我都開心埋.

但係今次真係....超級聽話的衰衰就點都唔肯用手提........聯繫唔到佢....普通野唔會打去camp site ma..., 今次真係唔知係訓練小朋友定係訓練家長啦..........