除了報左上次赤柱的班外, 仲有這個 thailand style cooking class - 吸引我既就係學佢的咖哩炒海鮮. 原來很易的.
上年都有跟這個大廚學正宗 thailand food....今年都係一樣...連 waiter/經理都係一樣...
第一個係沙拉....
最重要係個汁, d 食物反而可以再改配搭
主菜: 咖哩炒大蝦.....真係有很多調味料, 最搞笑係大廚都係用試味為準....再後加味..
先炒香三色椒, 洋蔥, 增加上湯, 一匙咖哩粉, 魚露, 糖, 花奶, 等等.....
最後再放蝦...同最重要的蛋...
真香同唔難的....
拍張大合照..
甘旬牛肉絲
多春魚
生果: 藍莓
基本上同尋日的材料差不多...因為就放假沒有買食物了....清埋d 食物...
前二天的飯團都有余下, 衰衰係飯桶, 無理由ka....問佢就話太飽喎, 一天我都信, 但連續數天, 便再問清楚啦...
隻衰衰野, 原來要趕快去玩 chess 喎, 因為我常叫佢食哂d 餸, 飯可以余下....所以佢話佢余下d 飯囉....但大少, 只食餸唔飽ka....所以我話一定要食埋d 飯....比佢激c.....
個衰人仲話對喎, 以前佢食5分鐘飯, 其餘時間要打波喎...唔好side 時間食野....
本來都買了粟米芯的....但明明表面ok, 晚上煮了少少食, 衰人一食話d 味很古怪, 我食了都覺....所以就沒有用了.....幸好, 如果唔知煮了餐盒, 衰衰唔覺食哂就煩了......
中秋節, 今年匯豐銀行送的月餅有 佢個名, 很搞笑, 係奇華的....個蛋黃真係有油的, 很香...不過, 太肥啦....得衰衰鍾意....我都係鍾意大班的.....
叫衰衰拿了一個回校, 小食時間與同學同食.....
蟹柳飯團
黑椒汁甘旬牛肉
甜品: 藍莓/jelly
小食盒: 明太子輪/薯片
尋日的飯團, 我沒有用糖同醋, 可能唔好味, 衰衰野只食了一個......所以今天用多些料, 買了佢鍾意的蟹柳....加在飯團中, 用回糖同醋....
後記: 衰衰竟然食哂d 甘旬, 很喜歡d 牛肉喎, 話很多汁, 我聽了心想唔係呀, 焗到d牛肉出水, 明明無汁ka....原來衰衰話一咬有很多汁從肉中出來喎.....嚇得我.........
今天用了甜心媽寄給我的 比卡超膠片, 再次謝謝甜心媽...
衰衰話很耐沒有食jelly, jelly 重出江湖
小食盒再次出動...見今星期只返3日學....開了包明太子輪比佢....
一星期只可食一次依d 熱氣野...., 日日食很易喉嚨發炎,
都係扮唔記得...一星期只比一次小食盒佢......, 問親佢, 都話要薯片.........
肉鬆紫菜飯團 配
餃子/日本玉子
生果: 士多啤梨
媽媽唔舒服足足數天, 看來現在的菌真係很利害.....大人都發燒到 102-3度, 全身無力, d 藥都很勁, 食完胃同個心都很辛苦....., 吸氣困難, .今次比衰人傳染...如果唔係佢平時唔做預防措施..., 出完街唔洗手呀, 唔消毒呀....就唔會野到d 菌回家啦...仲要"慮" 街坊....不幸中之大幸, 係沒有傳染比衰衰, 如果唔係, 衰人一定比我隔離......
媽媽數天都只係食了蛋糕, 都唔想食野甘....
所以都係求其用雪櫃的食物煮野比衰衰做今天的餐盒...
衰衰都算係甘啦.....正當我同衰人昏昏欲睡中, 任佢看電視, 衰衰可能係最受惠...haha....佢都識自己看完就睡覺, 仲識關了全部電器.....當我咳時, 佢都問侯我.....我既衰衰都開始大個識關心人了.........
甘旬/ 日本魚蛋/ 粟米 鰻魚汁炒飯
配 三文魚/帆立貝
生果: STRAWBERRY/BLUE BERRY
小食盒: 媽咪麵 / 薯片...
衰衰話喜歡有味飯, 便想起用雪櫃有的食物做了這個炒飯比佢....
今次用了係 jusco $10 店買的 暖袋, 看有沒有用先......
另外, 衰衰話今年的老師比小朋友自携小食....衰衰小學很得意的....會似幼稚園般為小朋友提供小食, 3日生果, 2日餅/包/蛋糕類, 所以衰衰基本上係唔駛自携小食的...但今年老師比小朋友食零食, 有同學自備了, 個衰衰野仲唔立即話要自備咩....所以我應允佢食生果時, 就會為佢預備, HAHA, 比我想到個借口, 唔駛日日比佢,
這2種就係衰衰至愛.....但熱氣呢......叫左佢唔好比同學食細細粒的麵, 個個隻手放了入嘴再取, 很唔衛生...望佢聽話啦...
肉鬆包 配 即食腸/札肉
生果: STRAWBERRY /BLUE BERRY
衰人咳傳染左我, 搞到我咳同周身唔舒服, C C 下甘呀, 為有求其買了包包, 叫衰衰食包, 佢唔想KA....不過, 亦話OK...., 難為了衰衰了, 很怕傳染到衰衰TIM 呀, 望衰人唔係SWINE FLU 啦....佢有發燒呀.....
起床後沒有尋日甘唔舒服, 用了個包包模做了包包, 衰衰鍾意食即食腸, 比枝佢啦.....因為怕佢唔飽....
怕佢唔飽, 比多D 生果佢啦....
吉吉島D 有機STRAWBERRY 很大粒, 很紅....仲要次次很甜的...不得不讚下....
鮮番茄汁粟米肉碎
今天做了個衰衰 b b 時常食的餸.....先將一個番茄cut 細粒加糖同水煮溶成汁, 與粟米肉碎一起再煮一會...即可....營養豐富, 仲可以加隻蛋, 蛋吸收了個汁, 會很好味... 係我以前騙衰衰食番茄的絕招, 就係食了都唔知....haha....
今早個腦真係仲沒有醒...早一晚用札肉做了兔子同bear bear, 忘記了放在飯上....忘記了比生果.........
紫菜肉鬆蜜糖麵包 配
IKEA 肉圓 / 日本蛋圈
尋晚放學後, 衰衰回家話很熱, 很倦....似發燒...唉, 大鑊...剛看到通告, 佢小學分別有老師確診, 同學都有很多無返學...仲要聽到另一朋友的女兒, 因有同班同學確診 SWINE FLU, 佢女兒有發燒, 醫生話有80%係 SWINE FLU, 要休息一星期, 有中小學停課, 都幾恐怖...
幸好, 衰衰睡醒後, 已沒有熱了....精神番......晚上以為佢明天可能唔返學, 所以沒有預備食物, 只買了麵包....所以今天就食麵包了....
下次買排包做麵包圈易些...食麵包可以用 火車盒.....
南瓜飯團 配 三文魚 / 吉列朱柳
生果: 哈蜜瓜
想起上次買了的便當細模...便用札肉來試試做表情, 但札肉不是太突出....個哈哈笑都幾得意..
本來係用餃子的..但太大火焗, 濃了...要立即從冰格拿另一樣再焗...用了朱柳...
人數: SY, I, P, G, C, S
KIDS: 4
TOTAL: 10 人
因有2個婆婆級女士喜歡中菜, 怕佢2個食唔慣PARTY FOOD...所以都係食中菜為主...., 個個女人都有興趣的, 就係廚房, 可惜, 我個廚房唔係太大...只可容納3個人...., 一起煮下野食, 傾下計...食下野...小朋友當然玩到傻哂....
下次有 PARTY 真係炆下野, 很方便, 可以放多些不同食物當一品煱....今次時間很好, 可以煮哂D食物一起坐下食....中菜唔通真係快些....只是用了 2個鍾已煮哂..., 預備都很小, 我都是早上買野而至...份量剛好, 清哂...AUNTIE 級都話我廚藝合格....仲問番我點煮, 真搞笑........
餐前蛋糕: 朱古力海綿蛋糕
香草麵包
個色就麻麻, 味道OK 的.
菜類: 蒜蓉炒蝦米椰菜
甜椒炒什菇
蒜泥焗金菇
下次再炒香蒜粒再焗會香些..
主菜: 蝦仁/蝦米/青瓜炒粉絲
肉: 南乳炆排骨
(用了 LC 的煲, 炆炆下, 濃了, 黏了底......真無哂心機, 立即要換個細煲, 幸好, 只是初步沒有太大濃味....反而個個都話入味, 好食...HAHA..真開心.)
魚: 粟米魚塊
小朋友至愛.....我懶沒有用蛋同粉煎魚...只醃完焗熟再撈粟米湯...
甜品: 生果
客人買了蛋糕, 生果, 大家食到食唔哂......
甜酸粟米雞粒 配日本玉子
甜品: jelly
上次買了ok汁, 跟ywmom 的方法調味...用糖, 水, 茄汁, 真係酸酸甜甜的, 很方便....
衰衰話有汁的餸會熱些....以後都盡量做些有汁的款式
P.S.: 大少結果沒有食D 粟米粒, 佢話唔鍾意就錦食, 要同飯和餸一起佢先食喎....本來都想用粟米撈飯, 後來唔記得左...下次要撈埋飯比佢先...大少真係難服待.
粟米湯浸魚柳 配 薯餅
生果: 西瓜
本來想用粟米粒, 原來食物櫃已經沒有貨, 只有日本粟米湯...便用粟米湯了...., 有汁應該可以保溫些.
P.S: 早上學校的護士打電話比我話衰衰跌親個頭, 嚇到我 個心 快 跌出來... 以為送了佢去醫院...1分鐘後, 可以同衰衰講到電話, 佢話已經無事, 比防濕的 MAT...伴倒, 撞到後腦....無嘔, 無燒, 無暈..........回家後都很生孟.....
平時行很多時佢都唔看清楚, 很多時都係我捉住佢佢先沒有跌....今天我都知佢係唔理四周環境, 所以先會跌, 不過一話撞到個頭就真係嚇 C 我......
