衰衰 lunch box -- 20-23/4

叫衰人幫我download 相, 因為用了佢部細相機, 星期一叫到星期五都沒有做....結果, 比我諗到用 card reader, 所以一次post 了今星期的午餐盒, 不過, 一星期一次都幾好. 可以回顧衰衰一星期發生的趣事

今個星期很麻煩, 因為要大清倉, 大廈無端端星期四停電, 週年檢查, 我冰箱的野, 雪櫃的野要一星期清理佢呀, 唔可以買野回來, 食足一星期冰箱d 野, 有些食唔哂, 仲要拋了, 很 side 呀.......星期四仲要pack 野去旅行甘, 將d 鼓油, 日本d 汁放在冰袋....., 衰人話雪開的唔可以唔雪喎, 會變壞

4月20日-- 日本餐(明太子飯團, 帆立貝蝦仁)

easter 後第一天回校.......其實係媽媽新屎坑......用了在日本買的超人便當盒, 超人jelly 冰, 等, 衰衰話比同學知係在日本買, 同學話係日本餐

比衰衰激c, 第一次話唔夠飽, 我覺得奇怪, 上次比3個同是三角形的, 余下一個回來, 今天做小一個比佢, 佢竟然話唔飽, 仲話的的三角形細過上次, 明明用同一個模ka, 先生....

原因:  因為今次的飯團用了佢喜歡的明太子mix 囉......佢想食多些 囉, 基本就唔係唔飽....衰衰野話點解我會知道佢的心意喎..........我話, 因為我係你媽媽囉, 傻瓜..haha.....

4月21日 -- 星星薯餅/hamburger meat 配 飯團

今天的飯團唔比味了, 費事日日都食有味的飯, 清d 啦......

因為要清雪櫃, 所以今天的食物係唔 healthy ka 啦.........3小塊飯團食哂.....仲叫我比多些星星佢, 佢話同學說係星星同學會薯餅(tvb個節目名)........我問佢, 4塊仲唔夠, 因為我開始奇怪佢的食量, 總叫我比多些佢...

問2問, 終於話佢只食了2塊, 原來佢話同組的同學都常話想食佢的 lunch box, 有時話交換喎, 衰衰野咁奄尖, 點會肯呀, 如果唔係我都唔駛要咁早起身專人做合佢心意的便當比佢啦,  佢有時就請人食喎...........疑團終於明白了.

仲等媽媽咁開心, 衰衰野的食量大了 tim....不過, 其他小朋友欣賞媽媽d 唔係太好的廚藝, 媽媽都應該開心.........

4月22日

肉鬆蛋絲飯,  星星薯餅配魚形魚柳

因為停電, 本想衰衰食包算, 但佢想食星星薯餅, 都好, 清埋包星星薯餅.....見唔夠送, 靈機一動.......用了肉鬆同蛋絲, 都很美呀........同好味.........haha

4月23日

日本魚蛋玉子配雞串, 恐龍麥樂雞塊

比媽媽整古, 衰衰唔鍾意食carrot, 我看肥媽節目, 話做到佢唔覺食了, 弄碎 mix在小朋友的食物中.....

衰衰野最鍾情玉子, 就在玉子處下手, 本想買蟹柳, 唔記得買......雪櫃有日本魚蛋, 就嘗試放在玉子中間, 新的食法.......我都怕衰野全部唔食ka.....有機會甘ka....., 每次有新野要先弄少少比佢食, 佢ok, 先做 午餐的食物...

我一回家, 就話今天的玉子超正......下次都用日本魚蛋喎, 我問佢, 甘d carrot 呢, 衰衰野話以為係明太子喎, 食了原來係 carrot, 唔放carrot 就最好, 放了都無所謂 喎......

我話, 甘你放心啦...........我一定放 ka 啦..........haha..........成功......... 

另一個新食物, 係 恐龍麥樂雞, 得閒比一塊佢, 得意d....怕佢同學想食, 今次比了2塊佢.., 佢同學果然想試, 無計, 小朋友........