衰衰在校車受傷

其實衰衰受傷都不是少呀, 常常都要去護士醫療室.  但今次我比較怒的是在校車受傷. 仲要是佢的臉頰. 大佬, 我估女孩的媽媽就要投訴啦.  毀容呀. 已影了相, 要等衰人幫我DOWNLOAD. 個傷口有五毫的範圍.

衰衰話校車還沒有停, 保母叫佢除安全BELT同起身拿書包, 那一刻, 校車要急停, 佢是在第一行, 所以撞到司機後個條柱. 

因為每早都是衰人同衰衰上校車, 我不知衰衰坐第一行.  本來撞到都算 意外.  但第一行應該是保母坐, 點解會是小朋友坐. 雖然衰衰已P. 3, 但.........佢是小朋友 (哈哈, 籍口, 我當佢是小一呢), 可不可以比P. 5同P. 6 坐呀.

本來我是不好意思講要衰衰調位, 那些位個個都不想兒女坐, 如話要調好似很衰. 但衰衰話本來不是佢坐, 有另一媽媽話不想佢個女坐, 便調了位. 甘我就叫衰人話要調位, 不需問, 衰人話坐那兒沒有所謂. 話我TROUBLE. 位是定了BOR. 因為要佢講呀MA.   現在衰衰大了些, 我先不太緊張校車位置, 之前幼稚園, 個保母叫衰衰坐在門口位, 嚇到我, 立刻要佢調位. 那時亦是衰人同衰衰上校車, 我那次偶爾發覺.

都話啦, 樣樣野不親自出馬, 就不會是你滿意的. 如果我新學年去看一看, 衰衰就不會坐第一行, 因為我會立即要求調位. 但衰人呢, 就話沒有問題, 比佢激C.

沒有問題, 就有此種意外啦.  如果之前避開了, 坐第2行, 就不會撞倒柱, 而是椅背, 就不會損啦.

講完, 衰人就話我什麼過度保護. 大佬, 選自己合意的位置都不得呀. 在校車就是最重要個位置, 如果不是, 就不會今次急停, 只有你個兒子傷了, 其他沒有傷啦.

本來衰衰都損傷當食生菜, 但當我甘緊張, 因為塊瞼, 話可能以後都會有個印, 不型了, 不退的. 佢很搞笑, 開始緊張, 話如果有叮噹時光機, 佢就不起身, 站穩, 佢不想有傷喎. 問我拿鏡照了很耐.

我就話以後要自己小心, 如果撞到隻眼, 就幣啦. 媽媽不是常常在你附近的.