衰衰日誌

2010年2月23日星期二

衰衰 LUNCH BOX 23/2/2010

黑椒鰻魚汁蒜泥粟米牛肉飯

日式香草煙火腿沙拉

餐盒虎年開市, 個名很長, 其實等如仿PEPPER LUNCH......

今次用了吉吉島出果種鰻魚汁, YI, 唔同日本出果種BOR, 個色淺些同稀些...個味唔知同唔同呢!

衰衰喜歡食煙火腿, 即超市凍櫃要磅果D...衰衰野愈食愈貴...........早上仲要指明食煙果隻火腿, 唔係普通火腿喎...飲鮮橙汁.., 真係出錢仲要服役大少..只要佢鍾意食, 就無所謂啦..HAHA..

3個大橙出來只有2杯都唔夠, 就同衰人搶大些個杯, HAHA, 就係小朋友的行為..

2010年2月21日星期日

選了廳區的窗廉/窗紗

偶爾見到這款窗紗, 很美呀....

約 $28-38/M

因為廳區主要係咖啡色, 所以想尋找同一色系的...見到這種紗係綉花的..很特別...考慮中...

我較喜愛第2款...

2010年2月19日星期五

2010, 第一件想做的事--再影婚紗相

其實想再影已是很耐的想法了....回想15年前我同衰人其實都影了3間公司, 我看現在的新婚姐姐, 2-3輯是等閒視之, 但我那時個個都話我過份的......haha........

轉眼, 結婚5年後生了兒子, 自問都已經去了忘我景界...因為要專注湊小朋友, 佢的大, 小事....我鍾意的野已放棄了很耐啦...什至有時連想去做 facial, 剪髮都去唔到..仲點敢想自己去玩呀...

現在衰衰真的開始大了, 我有時都可以唔理佢, 佢有自己想做的事...我就開始想做番些自己鍾意既野了.

但真係歲月不曉人, 15年後的我............肥了.........., 所以一直都唔敢再影....

但衰人肯去影喎, haha , 因為近年佢都對影相 (係影相唔係比人影)有興趣...., 衰衰都話ok 喎, 我的起心肝去影了, 因為望見我們15年前的相, 真係有些老套了....

應該去深圳的影樓影, 見其他bloggers 影出來很美呀..現在仲可以去影花花, 影海灘, 以前我們都只是影室內....

比我做回一天的公主, 想起都開心.....

package 如下:

推廣價:RMB2999

创意摄影：拍摄數碼文件100张以上

拍摄时间：1天

拍攝景點：深圳楊梅坑線路/仙湖植物園/壩光線/青青世界/世界之窗/海上田園任選一個景點

化妆造型：整体造型搭配3组,全程跟妝免費提供睫毛，饰品等一切化妆用品。

婚纱礼服：提供新人服飾任选2套，（客人可自备便装1套）

P S 數量： 28張(含以下成品數量,所拍攝文件免費贈送)

相冊製作：精选28张製作8X12高級皮製聖經系列相冊1本(20P)

放大製作：20X30寸熱裱製作豪華油畫相框 1個

8X12精美水晶相架 1個

親密愛人荷包相 4張

DVD光盤刻錄1張（含所有數碼文檔以及畫冊設計原稿）

拍攝費用：我們只收取一次性拍攝費用，零後期消費，免除客人後顧之憂！

付款方式：付20%作為定金，拍攝當日付清餘款

備註：以上套系不含景點門票以及工作人员午餐

2010年2月18日星期四

我的粉紅色電腦notebook -- sony

衰人一早就話會買過部電腦notebook 比我, 因為之前我用開果部notebook很慢...一提起電腦, 衰人仲唔緊張過我咩...

佢幫我選了 sony 粉紅色的 notebook, 很配合我張白色書桌呀, 個色很美, haha, 真係要謝謝衰人...唔講佢都知我想要這個色....不過, 以為佢係黃金買, 點知佢專選大牌子..

不過, 衰人就唔理 USER-FREINDLY囉, 本來我想買部平些的 net book, 細細部, 可以出街用, 特別係等衰衰上課外活動ma..不過, 衰人話netbook 都係超慢, load 相仲慢, 算啦, 一係唔買, 一買就買部好些啦....$6980.00

遲些再叫衰人買部net book 比我出街用吧..haha...

就放在這兒, 很配合張白色書桌同張粉紅色轉轉椅...

去百老匯買野, 仲送了 hello kitty folder

田園睡房的田園床

上次係設計情報做的家具都真係在新年前送到同安裝....比了貴過外邊的裝修同家具的價錢, 除了唔係太滿意個設計師之外, 大致都滿意...

因為當初由決定買樓到裝修同家具的設計都很趕, 因為要趕在過年前入伙..只有2個月時間, .所以有些裝修同設計都因為時間問題沒有做...更沒有上綱看下資料, 例如上大陸訂家具應該會平過現在很多...

看過很多資料, 都有介紹係深水涉的家具店, 係一間傳統式的家具店...個價錢相對係設計情報當然平些啦...都有 1/2 的價錢..

haha...我的田園主人房, 因為當初心大心細唔換張床, 現在左看右看覺得張床唔配合田園格調, 再加上衰人話廳的平台真係可以放很多物件, 而我們真係有很多物件要放, 於是想做張平台形的田園油壓床...., 之前衰人都話換過張床, 但這張只用了2年的床, 無爛, 很浪費ma...但中了田園毒的我想一入房係一致些, 所以順便都換啦....

仲有一個原因係這間的價錢真係比想像中平, 之前無係設計情報做都係因為佢貴, 今次個價錢ok, 所以連窗台櫃都順便做埋, 個平台仲用木面而唔係木紋紙tim..

油壓床係大陸唔會有的, 所以唔駛上大陸訂...

因為上次個設計師唔得, 唔想再用番佢....

所以就去問下這間店, 唔問唔知, 一問, 嘩, 個價錢差很遠呀, 衰人就話一分錢一分貨....唯有甘安慰自己啦...

就係甘, 我既田園主人房要再等下啦....因為已訂做了個平台床同窗台櫃...,

3月等收貨........分別係blog 同討論區都有人介紹這間, 應唔係做馬, 見個sales 都很老實...等下個貨品如何吧...

現在張床, 已用了上次訂的花花床單, 一次過post 番出來先, 不過, 要當見唔到附近的什物, 因為仲沒有拾好屋呀, 無計啦, 我同衰人超懶, 每日拾1-2箱, 唔知出年可唔可以見人呢...haha....